إستبيح رغم الظروف
فرصة تعشق في آنينك
حِبْ مداخل ذكرياتك
لما تاهت بين حنينك
و حس مداكَ على الممرات الطويلة
و عامل إحساسو بيقينك
فُرصة واحدة.. بيها نبضاتك تمسا
لا بتضحك فيها خايف أو بعد نفحة مدسه
حُزنك أصلا ليهو أقدار المُودع
و إنت دارت بيك مواقيتك و لسه
و لما تتعب..
سامح أوجاعك و نوم
حبة ترتاح و إنت ماشي
لا قصص لا خيوط هموم
و تبقى أجرأ ما يكون !
مرة تجري و مرة ترسى
تاني صارح و حبة دٍسها
و فرصة تحسن في الظنون
شيل من الفرصة السعادة الما ح تتمناها تاني
و راحة الدنيا البعيدة كأنك زول بعاني
يعني دُنياك.. قدر ما تقدر تحسا
أبقى أجمل من جراحها
و إنت أجمل بصراحة
''أوعى تتخطاك و تقسى''
و بُكرة لمّا تلاقي بُكرة
في ذِمة الأيام دي فُرصة.
ليست هناك تعليقات:
إرسال تعليق