أطلُب مداك و أحكي بثقه
لو فيك شعور لي بتولد
قول ليا عايزك للأبد
أو حتى عايز أكون معاك
لكني لا أملك سبب
قول ليا قلبك عمره ما صادف قلوب يوم تفهمه
و إنك معاي جداً حقيقي و لي فؤاد بتقدره
أو بس هواك ما قادر يتصارح معاي
لكن أكيد.. ما لسواي ح تقدمه
قول ليا حظك مستحيل
لو يوم يفاتحك في الغرام
ولا المقال الكاتبهُ لي
ما لاقي في سيرته المقام
أو عشت في سكونك كتير
...خايف تضيعني بكلام !
ممكن يكون بينا الحٍوار
ما فيه غير نظرات أمل
و إحساسي لو حس بأمان
من نظرتك قٍدر إستدٍل
تعبيرك أصلاً ما مُلام
مني السماح رغم البُخُل
و أحكي بثقه...
وريني مين العلمك إنك تخاف
من قبل ما تعرف جنوني و إختفى؟!
بس كان منو الكلم مشاعرك
عن شعور الوحده لمن كتفا؟!
خلاك قريب لكن غريب.
م الخوف دا فيك أسوء صٍفه
لأ ما فضول...
أنا شايفة دُنيا في شكل زول
لكنو رافض يكشفا !
و أنا شايفه لو إنك تقول
يمكن تجُر قلبي و يجيك
يبقى الجنون بيك ما عليك
....لو دُنيتك ديك توصفا❤
