كان الطموح لمن تعود نلقانا أجمل من كده
راح الطموح طيّر بقايا الأمتعة
فتشت بعدك إختيار من غير أمان
ماليها غٍش الأقنعة
و حاساك كمان سارق معاك الفُرصة
لما الفُرصة كانت مُقنعة
و أنا كُنت قال داساك طموح يحفظ جمالنا بعد تجي
شايلاك لا هم لا جروح أبيض من الإحساس نقي
و بعد نعيد بشوقنا بوح
يمكن تجي اللحظات تخلي المافي فيّ
عانيت و ليك نادت سواعي اللهفة ياريتك تكون
من دونك الإحساس مبشتن ما حنون
فايتك كتيييير.. حتى الظنون!
بين البشر مربوط مع ذكرى الزمان
و البينا ما يوم إحتمل أسأل سؤال "فاكر زمان؟"
لو كنت ظالمة الدين ثبت
و لو الديون كترت علي
صدقني عفوك لي وجب
ما دامك الحٍس بالأمان
أنا أبقى دينك للأبد
دا لو الأماني إتأخرت
الفرحة بيها بتنتهي
ما بالك إنت و من مشيت
بتمنى يوم قلبك يجي
ما جاني منك أي صوت
دامت ظروفك هي الحجي
و الليله لو فكرت فيك
أفكاري تكسل و ترتخي
شلتك طموح يمكن أفرحك أبقى فيك
ما كان خيالي بيقبل يكمل إلا بيك
يعني الزمن لو دار عليك
كُت عايزه يوم أقدر أشيلها همومو ليك
لو كنت صحيت الطريق
و أديتني إحساس لو بعيد
ولا الأمان رسلتو لي
كان بيك طموحي يزيد و يزيد..
