رُغم أنف الحُب

لِما تغشاني فِي صمتٍ ؟ 

تُسبب بعضِ بعضَ ثُقُوب! 

 

أَيَا خَوْفِي بِأَنِّي صِرْت أهواكَ 

و أَنَّك قَدْ نَسَيتَ الشَّوْق 

 

أَرَاكَ . . و مُلِئ صُورَتِك 

عُيُوب تَطْفُو فَوْق عُيُوب! 

 

و ذَات الصُّورَة تُدهشني؛

وَلَا غَيْرُك هُنا مَحْبُوب

 

لَعَلَّكَ فيني تَتَلَاشَى 

فأمري لِلْإلَه مَتْرُوك

 

أُحِبُّكَ رُغِمَ أَنْفُ الْحَبّ 

و أَنْفِي و الَّذِين مَعِي 

 

أَكَاد أَظُنّ بَعْد الْجَزْم 

بِأَنَّك كُلهم و مَعِي. 

إستثناء ✨

لا سِبناك من غير ذنب
ولا رَدينا ليكَ عَتبْ
ولا كان الجميل نُكران
ولا كُسنا لوداعنا سبب

و لكني عشان أفهم
بعدتَّ كتير و قربت
قررتَ و تراجعتَ
عليك هُنتّ و تَهاونتَ
مشاعر مني جات هَوجاء

و مع ذلك.. عشان تَفضل
أخدتَّ؛ دونَ أن تَطلُب
صمتَّ، و كلمتك مَطلب
و طَبطَبناكَ حِس و قَلب
و أديناكَ فَيضْ عَطاء

لقيت نفسي و أنا جنبك
بَحاول أبقى عادية..
و أنا في الأصل إِستِثناء !

السكة الطويلة شديد

عن السكة الطويلة شديد
سنينها شتات على تنهديد
و أسئلة ما لقت يوم رد !

عن العمر البيكمل عدو لو أعدك
و شاع نوراً موصل حدي بي حدك
و ضاع أملاً.. و كان ولابد !

فقدتك بس، أنا مليت..
و بكتب لأجل إني مشيت.

أشوفك في الدروب على خير
و يا ريت الثقوب تتسد

و أسمع عنك ألف جميل
و ما نتلاقى يوم في حد

كتير جاي و كتييير يبلى
و ما بشقّي الحنين للود

أشوفك في الدروب على خير
و إيه كان للصحاب عند بعض! 

بتسهري ليه ؟

بتسهري ليه؟
..بتتمني !!
جفيتي النوم،
لقيتي هموم،
تعبتي متين عشان تنوي!
تضادي الكون..
و ما تتشابي للأفراح
و مااا تحني ؟

بتتعكس شديد مثلاً..
بتعبك حد البُكا..؟
بتشتت القلب العنيد..!
بتعكر أيام الصفا..؟

ساقت خليل؟!
إتنين تلاتة على الطريق
وصلوها مرحلة الجفا؟
عملت كتير الدُنيا فيك،،
لا قُلتٍ لاااقالت كفا ✋🏾

و تسهري ليه..؟!
م تعانديها بالفكرة
م توريها نفسك صاح
و إن كان ناقصك الخبرة
زمنك سُكي ما ينداح
مرة تخونك العَبرة
و ياما السِكة جايبة براح

ألا ترجع..؟

ألا ترجع..؟
" منو البرجع بعد يمشي؟"

تُداهمٌ أمننا الأشواق
" وصلني الشوق..
وصل عفوي؟"

وجودكَ كل ما نحتاج
" و مُحتاجِكم كتير جنبي"

أراك سلكت نهج غياب
" دعواتكم تَوِد وَصْلي"

..و جُرحي لا يَزَلْ يَنزِف!
" و لكن، كله ما بيدي.."

أقد ألقاكَ قُرب الباب؟
" تجيكٍ الروح مكان تَحيّ "

بليد..

دائماً بقول عكس البحسوا
عشان شعور الحب تقيل
و أنا قلبي بستكبر علي
بيحسوا بس ما بيعلنوا

و أنا في الخلاف..
أول طرف بيقول سريع أنا ماشي
بس خطواته دوم بترجعهٌ

أول طرف يرفع شعار أنا مالي
و يفقد رأس ماله
في هَمْ يطولك و يوجعهٌ

و قوية عنك لو تحب
تسلك طريق الغيبة حق
لكن ضميرها مثالي جداً بين يديك
و عشان كده بتستنفذه

رغم التآلُف بينا جد إنك بليد
أنا مافي شئ بيجرؤ يغير قلبي عنك غير إنتَ!
مافي شك أو شوق مُعنى  يزيل مودة!

كُل العتابات لو تلاحظ راجية رد
بقطع مسافات عن دروبك و ناوية رِدة!

بالأميال

نبعد ياما بالأميال
نقابل كل يوم بالصد
سنين عدت ظروف و أحوال
و ما فاضل مجال للوِد

تغيب تتجنب أو ما تحِن
و أحب بعدك عشان أنساك
صحيح السيرة ليها زمن
صحيح إنه الغياب قساك
و لكن يوم أشوفك أصن
يهون كًل العتاب و الظن
و أقول رغم الخلاف جاياك

منو القواك على الماضي
و كيف الماضي ما رداك؟