المسافات الأكيدة
عَاملت قلبي بأَذى
و طبعي ضايقتُه المَخاوِف
يعني في الغيرة إِبتدء
و إنت لسه بعيد و لسه..
ماكَ عارف!
و لسه عايشين كُل واحد على حِدا
و المسافات الأكيدة..
باعدت خُطواتنا ما ردت صدى
هي المسافات ما بتطمن؟
ولا قلبك ما إهتدى؟!
يعني لمتين تبقى جاهل..
إنو قلبي بيوصِفك رغم المدى؟
ح أَفضل أَتْمناكْ و أَفْكِر
و لسه ح أَسْتناكَ أَكْتَر
إما تَهديك ليّا نَفسْك
ولا بَيّ تَلقى الهُدى
لا يضيع الوِد هَباءاً
لا يموت الحُب سَدى
ترضي مُشواري و غُنايّ
و أبقى منك جوه نبضك
روحي لي روحك نَدى
و المسافات الأكيدة
..فجأه تَقْصَر!
و نبقى أقرب من كده
و برضو بُكرَه ألاقي حُزنك
و أحكي ليهُو..
إني قادرة أَهدي خُوفو لو إِبتدء.
ليست هناك تعليقات:
إرسال تعليق