جوة الحنين.. ترداد سؤال..
كيف عشنا لينا، و هسي لو حسينا شوق
يجمعنا بس وحي الخيال؟!
كيف عشنا نتمنى في بعض..
و مشينا للفرقة إختيار؟!
بعنا السنين لأجل الممات
سبنا البُعاد كسر القلوب..
و الكسر بئلمنا بسُكات!
و نفس المكان..
واقفين محل الذكريات
و نقول بننسى و نرضى، أصلو الفات هو فات
واجعين بعض.. و وجعنا في البُعد الثبات!
جوه الحنين..
كان قصة عاشت بينا يوم حسينا حب
و كم ذكرى أنا و إنت في طريقنا..
شلناها للأيام مدد...
معليش نسيت "أيام مضت"!
و أهو ناس كتير عرفت تحب..
وريني بس كم زول قدر
يحفظ معاني الحب في وعد؟!
بيقولو ما ح نسيب بعض..
..و يسيبو قولهم لو يحسو في لحظة ضغط!
ينسو الكلام القالو وقت اللهفه ديك
لا زول يشد ولا زول يمد
ولا يبقو يوم أنصاص بعض
و أهو ناس كتير عرفت تحب..
و شوية منهم دابو بعرف،، كيف يكمل للأبد.
ليست هناك تعليقات:
إرسال تعليق